မကွေးတိုင်းဒေသကြီးလွှတ်တော် ဥက္ကဋ္ဌ လွှတ်တော်ရုံး (ပင်မ)အဆောက်အဦသစ်အတွက် ပရိဘောဂပစ္စည်းများဝယ်ယူခြင်းလုပ်ငန်းနှင့် ပတ်သက်သည့် လုပ်ငန်းညှိနှိုင်းအစည်းအဝေးကျင်းပ

၂၀၁၉ခုနှစ်၊ ဇန်နဝါရီလ(၁၅)ရက်နေ့၊ မွန်းလွဲ(၁၄ဝဝ)နာရီအချိန် ၊ မကွေးတိုင်းဒေသကြီးလွှတ်တော်
ရေးရာကော်မတီရုံးခန်းတွင် ကျင်းပပြုလုပ်သည့် ၂၀၁၈-၂၀၁၉ခုဘဏ္ဍာရေးနှစ်၊ ငွေလုံးငွေရင်း အသုံးစရိတ် ခွင့်ပြုရန်ပုံငွေဖြင့် ဆောင်ရွက်မည့် လွှတ်တော်ရုံး ပရိဘောဂပစ္စည်းများ ၀ယ်ယူခြင်းလုပ်ငန်းနှင့် ပတ်သက်သည့် လုပ်ငန်းညှိနှိုင်းအစည်းအဝေးကို ကျင်းပပြုလုပ်ခဲ့သည်။
အစည်းအဝေးသို့ မကွေးတိုင်းဒေသကြီး လွှတ်တော်ဥက္ကဋ္ဌ ဦးတာ (တင်ဒါခေါ်ယူရေးကော်မတီ ဥက္ကဋ္ဌ)၊ မကွေးတိုင်းဒေသကြီးအစိုးရအဖွဲ့၊ ဆောက်လုပ်ရေး ပို့ဆောင်ဆက်သွယ်ရေးဝန်ကြီး ဦးတင်နွယ်ဦး (တင်ဒါခေါ်ယူရေးကော်မတီ အဖွဲ့ဝင်)၊ မကွေးတိုင်းဒေသကြီးလွှတ်တော်ရုံး ဒုတိယညွှန်ကြားရေးမှူးချုပ်ဒေါ်ခင်ရီမြင့်
(တင်ဒါခေါ်ယူရေးကော်မတီ တွဲဘက်အတွင်းရေးမှူး) ၊ တိုင်းဒေသကြီးလွှတ်တော် ကိုယ်စားလှယ်များဖြစ်သော ဦးကျော်ဌေးနှင့် ဒေါ်ခင်ချိုလတ်၊ တိုင်းဒေသကြီးအဆင့်ဌာနဆိုင်ရာ အကြီးအကဲများပါဝင်သည့် တင်ဒါခေါ်ယူရေး ကော်မတီအဖွဲ့ဝင်များ တက်ရောက်ခဲ့ကြပါသည်။
အစည်းအဝေးတွင် တိုင်းဒေသကြီးလွှတ်တော်ဥက္ကဋ္ဌ ဦးတာမှ အဖွင့်အမှာစကားပြောကြားခဲ့ပြီး မကွေးတိုင်းဒေသကြီးအစိုးရအဖွဲ့ ဆောက်လုပ်ရေး၊ ပို့ဆောင်ဆက်သွယ်ရေးဝန်ကြီး ဦးတင်နွယ်ဦးမှ လွှတ်တော်ရုံး ပရိဘောဂပစ္စည်းများ ၀ယ်ယူခြင်းလုပ်ငန်းများ ဆောင်ရွက်ရာတွင် ဥပဒေ၊ နည်းဥပဒေ၊ စည်းမျဉ်းစည်းကမ်း၊ လုပ်ထုံးလုပ်နည်းများနှင့် ညီညွတ်ရေး၊ အရည်အသွေးပြည့် မီရေးနှင့် ပွင့်လင်းမြင်သာစွာ ဆောင်ရွက်နိုင်ရေး၊ တင်ဒါခေါ်ယူရေးနှင့် ကော်မတီ၏လုပ်ငန်းများ ပိုမိုလွယ်ကူအဆင်ပြေစွာ ဆောင်ရွက်နိုင်ရေးအတွက် အကြံပြုဆွေးနွေးတင်ပြခဲ့ပါသည်။
ဆက်လက်၍ တင်ဒါခေါ်ယူရေးကော်မတီအဖွဲ့ဝင်များမှ ဆွေးနွေးအကြံပြုခဲ့ကြပြီး အသေးစိတ်ရှင်းလင်း တင်ပြဆွေးနွေးခဲ့မှုအပေါ် မကွေးတိုင်းဒေသကြီးလွှတ်တော်ဥက္ကဋ္ဌမှ သိရှိလိုသည်များအား မေးမြန်းခဲ့ပြီးလိုအပ်သည်
များ ဖြည့်စွက်မှာကြားခဲ့ပါသည်။